„Да зборуваме за климатските промени“
За ефектот на стаклена градина најмногу придонесуваме ние луѓето со гасовите од индустријата и земјоделството, со што се задржува повеќе енергија, зголемува температура и се прават ненадоместиви штети. Се повеќе уништуваме растенија а се помалку садиме, ги исцрпуваме последните количества од необновливите извори на енергија а за обновливите повеќе зборуваме отколку што ги користиме. Се што ќе започне како позитивна еколошка иницијатива го гаснеме по неколку години без да ги согледаме добиените резултати, се уште се бараме и како да не сакаме да си се пронајдеме. Веќе е сигурно и знаеме дека со нашето однесување предизвикаме недостиг на питка вода, здрава храна, поплави, невремиња и топлински бранови сето тоа е последица од екстремните временски промени. Растенијата и животните ќе изумрат затоа што живеалиштата се менуваат побрзо од можноста на нивно прилагодување. Јаглеродниот отпечаток е се поголем а борбата против глобалното затоплување треба да биде приоритет за сите, без разлика во кој дел од планетата живееме.